Քայլեր արվել են ու կարվեն. Նալբանդյանն ԱԺ-ում է

Այսօր ԱԺ-ում կառավարության հետ հարցուպատասխանի ժամանակ ԱԺ պատգամավոր Ռուբիկ Հակոբյանը ԱԳ նախարարին հարց ուղղեց Բելառուսի կողմից Ադրբեջանին Լապշինի արտահանձման մասին:

ԱԳ նախարար Էդվարդ Նալբանդյանը նշեց, որ այսօր առավոտյան ԱԳ մամլո խոսնակի միջոցով ԱԳՆ-ն արձագանքել է այդ հարցին, իսկ դրանից առաջ էլ մամլո ասուլիսի ժամանակ ինքն է դա որակել որպես խայտառակություն` ասելով, որ դա կվնասի Բելառուսի վարկանիշին:

Նախարարի խոսքով` միանգամայն հասկանալի է Հայաստանում այն վրդովմունքը, որը ցուցաբերեց հասարակությունը Լապշինի արտահանձնման կապակցությամբ:

Ըստ Նալբանդյանի` Ադրբեջանն այդ քայլերին է դիմում, որ մարդիկ չայցելեն Արցախ: «Արդյո՞ք դա կկանգնեցնի օտարերկյա գործիչների այցը Արցախ, իհարկե` ոչ, այցերը կշարունակվեն: Այդ ուղղությամբ քայլեր արվել են ու կարվեն, բայց չեմ կարծում, որ այդ գործողությունների մասին մենք պետք է հայտարարենք»,- ասաց նախարարը: