Ագրամունտը վերընտրվել է ԵԽԽՎ նախագահ

ԵԽԽՎ-ն իր ձմեռային նստաշրջանի բացման ժամանակ ավտոմատ կերպով վերընտրել է նախագահ Պեդրո Ագրամունտին և հաստատել բոլոր ազգային պատվիրակությունների լիազորությունները, բացի Սլովակիայից:

Ավանդաբար ձմեռային նստաշրջանում տեղի է ունենում պատվիրակությունների լիազորությունների վերահաստատում մեկ տարով: Եթե առարկություններ չեն լինում, դա տեղի է ունենում ավտոմատ կերպով: Այս անգամ, ըստ РИА Новости-ի, Սլովակիայի պատվիրակության լիազորությունները չեն հաստատվել, պատճառը կանանց` քիչ ներկայացված լինելն է: Նստաշրջանի ընթացքում բանավեճեր կլինեն այդ կապակցությամբ:

Հիշեցնենք, որ 2016-ից ՌԴ պատվիրակությունը չի մասնակցում ԵԽԽՎ նստաշրջաններին: Պատճառը Ղրիմի հարցն է: