Աստանայում իրանական պատվիրակության ներկայացուցիչները հանդիպում են անցկացրել Ռուսաստանի և Թուրքիայի իրենց գործընկերների հետ

Իրանական պատվիրակության ներկայացուցիչները` փոխարտգործախարար Հուսեյն Անսարիի գլխավորությամբ, որոնք Աստանա են ժամանել մասնակցելու Սիրիայի հարցով բանակցություններին, ոչ պաշտոնական հանդիպում են անցկացրել Ռուսաստանի և Թուրքիայի իրենց գործընկերների հետ:

Այս մասին հայտնում է ТАСС գործակալությունը` վկայակոչելով իրանական աղբյուրը: Իրանական պատվիրակության անդամները կարծիքներ են փոխանակել նախ թուրքական, ապա ռուսական կողմերի հետ: Իրանցի փոխարտգործնախարարն ընդգծել է, որ երկիրը հետագայում ևս հավատարիմ կմնա Սիրիայի տարածքային ամբողջականության մասին նախկինում ձեռք բերված պայմանավորվածություններին:

Հիշեցնենք, որ Սիրիայի ճգնաժամի կարգավորման հարցին նվիրված բանակցությունները  կմերկնարկեն հունվարի 23-ին: Ակնկալվում է, որ Աստանայում բանակցություններին կմասնակցեն Սիրիայի իշխանության և զինված ընդդիմադիր խմբավորումների ներկյացուցիչները:

Մասնակից կողմերի վերջնական կազմը դեռևս չի հայտարարվել: