Ջորջ Բուշի և անձրևանոցի «մենամարտը» համացանցի հիթ է դարձել

Համացանցում բուռն կատակների տեղիք է տվել ԱՄՆ նախագահ Դոնալդ  Թրամփի երդմնակալության ժամանակ ԱՄՆ նախկին նախագահ Ջորջ Բուշ կրտսերի պայքարը անձրևանոցի դեմ, հայտնում է РИА Новости-ն:

Նախօրերին Վաշինգտոնում տեղի է ունեցել ԱՄՆ 45-րդ նախագահ Դոնալդ Թրամփի երդմնակալության հանդիսավոր արարողությունը, որին ներկա է եղել նաև Միացյալ Նահանգների 43-րդ նախագահ Ջորջ Բուշ կրտսերը: Արարողության ժամանակ անձրև է տեղացել: Բուշը որոշել է հագնել անձրևից պաշտպանող պարագան, սակայն նրա մոտ դա այնքան էլ լավ չի ստացվել:

«Երդմնակալության ժամանակ տեսածս լավագույն պահն այն էր, երբ Ջորջ Բուշ կրտսերը փորձում էր գլուխ հանել անձրևանոցից», - գրել է օգտատերերից մեկը: