Կրակոցներ՝ Նանսենի անվան N 150 հիմնական դպրոցի ուղղությամբ

Այսօր կեսօրին կրակոցներ են հնչել Նոր Նորք վարչական շրջանում գտնվող` Ֆրիտյոֆ Նանսենի անվան 150 հիմնական դպրոցի բակում: Ոստիկանությունից Yerkir.am-ին հայտնեցին, որ ահազանգով ոստիկանության տարբեր ստորաբաժանումների աշխատակիցներ մեկնել են դեպքի վայր: Կատարվում են համապատասխան գործողություններ կատարվածը բացահայտելու համար:

Ըստ shamshyan.com–ի՝ դպրոցի գլխավոր մուտքի ապակու վրա հայտնաբերել են կրակոցի հետքեր, ինչպես նաև ներսում՝ հանդերձարանի ապակու վրա։ Հայտնաբերվել են նաև 1 պարկուճ, 1 գնդակ, որոնք ընթերակաների ներկայությամբ քննիչը առգրավել է։

Աղբյուրի տեղեկություններով՝ նշված հանցագործությունը կատարելու կասկածանքով ոստիկանությունը ու քննչական բաժինը որոնում են Mercedes և BMW X5 մակնիշի ավտոմեքենաներ։