Մեկնարկել է Հայաստանի համապետական ուսանողական առաջին խորհրդաժողովը

Նոյեմբերի 25-ին Ծաղկաձորում մեկնարկել է Հայաստանի համապետական ուսանողական 1-ին խորհրդաժողովը, որին մասնակցում են ՀՀ առավել քան մեկ ու կես տասնյակ բարձրագույն ուսումնական հաստատությունների ուսանողական խորհուրդների, ուսանողական գիտական ընկերությունների, կուսակցությունների երիտասարդական թևերի ներկայացուցիչներ:

ՀՅԴ  «Նիկոլ Աղբալյան»  ուսանողական միության, «Ուսանողի ձայն» ԵՀԿ-ի նախաձեռնությամբ և Հայաստանի երիտասարդական հիմնադրամի ֆինանսավորմամբ իրականացվող եռօրյա միջոցառման ընթացքում ուսանողները քննարկելու են ուսանողության և կրթական համակարգի առջև ծառացած հիմնական խնդիրներն ու դժվարությունները, բարձրագույն կրթության մասին ՀՀ օրենքով փոփոխությունների նախագիծը,  բուհ-աշխատաշուկա փոխհարաբերությունները, մագիստրական և հետբուհական կրթությանն առնչվող հիմնահարցեր:

Խորհրդաժողովը կավարտվի նոյեմբերի 27-ին Համապետական ուսանողական հռչակագրի հրապարակումով, որը կհանձնվի  ՀՀ ԿԳՆ: