Հեռուստամարաթոնն ավարտվեց. հայտնի է, թե որքան գումար է հավաքվել

«Իմ Արցախը» խորագրով` «Հայաստան» համահայկական հիմնադրամի 19-րդ հեռուստամարաթոնի ընթացքում հավաքվել է 15.428.777 դոլար գումար: Համազգային դրամահավաքի հանգանակությունները կնպատակաուղղվեն Արցախի տուժած բնակավայրերի վերականգնմանը, խաղաղ բնակչության անվտանգությանն ու պաշտպանությանն ուղղված միջոցառումներին, ինչպես նաեւ Արցախի բազմազավակ ընտանիքների համար առանձնատների կառուցմանը:

Կշարունակվեն նաեւ նպատակային հատկացումներով ծրագրերը Հայաստանում եւ Արցախում:

Նշենք, որ նախորդ տարի «Մեր տունը» խորագրով համահայկական «Հեռուստամարաթոն 2015»-ի ժամանակ արձանագրել է 10 միլիոն 378 հազար 465 դոլարի նվիրատվություն և նվիրատվության խոստում, որը բավականին ցածր ցուցանիշ էր:

Իսկ «Հայաստան» համահայկական հիմնադրամի` «Դեպի Արցախ» կարգախոսով «Հեռուստամարաթոն 2014»-ի ընթացքում հանգանակվել էր 12 399 550 դոլար գումար: