Մխիթարյանը կխաղա «Ֆեյենորդ»-ի դեմ. Մոուրինիո

Անգլիական «Մանչեսթեր Յունայթեդ»-ի գլխավոր մարզիչ Ժոզե Մոուրինիոն հայտարարել է, որ Հայաստանի ազգային հավաքականի կիսապաշտպան Հենրիխ Մխիթարյանը կխաղա «Ֆեյենորդ»-ի դեմ:

«Ես Մխիթարյանին  ասել եմ, որ նա հայտավորված կլինի «Ֆեյենորդ»-ի հետ խաղում: Ակնհայտ է, որ նա ուրախ չէ, սակայն կարողանում է  լուռ  ու քրնաջան աշխատել: Ես նրան ասացի, որ «Արսենալ»-ի հետ խաղը նրա համար չէ:  Կարծում եմ, որ նրան մեկ լավ խաղ է անհրաժեշտ, որ նա լինի մեկնարկային կազմում կամ  փոխարինման մտնի երկրորդ խաղակեսում: Նրա վրա պետք է քիչ ճնշում լինի` լավագույն որակները ցուցադրելու համար»,- մարզչի խոսքերն է մեջբերում անգլիական ակումբի պաշտոնական կայքը:

«Մանչեսթեր Յունայթեդ»-«Ֆեյենորդ» հանդիպումը տեղի կունենա նոյեմբերի 25-ին` 00:05-ին: