Սավչենկոն Ռադայի պատգամավորներին «ոչխար» է անվանել

Ուկրաինայի Գերագույն ռադայի ժողովրդական պատգամավոր Նադեժդա Սավչենկոն քննադատել է պատգամավորներին` իր օրինագծում լրացումներ կատարելու համար, որով նախատեսվում է նախնական կալանքի մեկ օրը ազատազրկման երկու օր հաշվել. հայտնում է Газета.ру-ն`112 Украина-ին հղումով:

«Շատ հեշտ է գտնել մի տղայի, ով նստել է թեթև կողոպուտի համար, և նրան սպանություն, բռնաբարություն և այլ հանցագործություններ վերագրել, և նա կդառնա կրկնահանցագործ»,- ասել է Սավչենկոն:

Միևնույն ժամանակ, նա պատգամավորներին «ոչխար» է անվանել: «Դուք չեք պաշտպանում  և արդարացի չեք քննում: Դուք քաղաքական սպեկուլյացիայով եք զբաղվում եւ բոլորին մեկ անգամ ևս ապացուցում եք, որ ոչխար եք»,- ասել է Սավչենկոն: