Գազի սպառման առանձին` խթանիչ սակագին կսահմանվի ջերմոցային և վերամշակող տնտեսությունների համար

Այսօր կառավարության նիստում էկոնոմիկայի նախարար Սուրեն Կարայանը ներկայացրեց գյուղատնտեսության ոլորտի ջերմոցային տնտեսությունների և վերամշակող կազմակերպությունների կողմից սպառվող բնական գազի սակագնի մեղմանն ուղղված միջոցառումների մասին որոշում: Ըստ այդմ, նպատակ ունենալով խթանել գյուղատնտեսության ոլորտում գործունեություն իրականացնող ջերմոցային տնտեսությունների և վերամշակող կազմակերպությունների զարգացումը, կառավարությունը որոշում է առաջարկել Հայաստանի Հանրապետության հանրային ծառայությունները կարգավորող հանձնաժողովին` բնական գազի սակագին սահմանելիս տարբերակել գյուղատնտեսության ոլորտում գործունեություն իրականացնող ջերմոցային տնտեսությունների և վերամշակող կազմակերպությունների սպառողական խումբը` նրանց կողմից սպառվող բնական գազի համար սահմանելով խթանիչ սակագին: