Հնարավոր է. Տիգրան Ուրիխանյան

Հայտնի է, որ «Ալյանս» կուսակցության նախագահ Տիգրան Ուրիխանյանը կուսակցության ղեկավարի պաշտոնից հրաժարականի դիմում է ներկայացրել կուսակցության վարչությանը: Միևնույն ժամանակ, նա ՀՀ ԱԺ պատգամավորական մանդատը վայր դնելու մասին դիմում է ներկայացրել ՀՀ ԱԺ նախագահին:

Yerkir.am-ի հետ զրույցում Տիգրան Ուրիխանյանը, անդրադառնալով իր այս որոշումների պատճառներին, հայտնեց, որ անհրաժեշտության դեպքում` ապագայում, նոր կխոսի իր այս որոշումների պատճառների մասին:

Մեր հարցին` հնարավո՞ր է փոշմանի և պատգամավորական մանդատից հրաժարվելու դիմումը ետ վերցնի, նա արձագանքեց. «Իմ գործողությունները պայմանավորված են իրավիճակներով և ոչ թե փոշմանել-չփոշմանելով, էմոցիաներով կամ ցանկություններով»: Այնուհետև ավելացրեց` եթե իրավիճակային փոփոխություն լինի` հնարավոր է, եթե չլինի` բնականաբար` ոչ: