Գեղարքունիքում ամուսինը կնոջը ստիպել է ընդհատել հղիությունը` սպառնալով սպանել հարազատներին

Գեղարքունիքի մարզում ամուսինների միջեւ լարվածությունն ու փոխադարձ անբարյացկամ հարաբերությունները հասել են նրան, որ տղամարդը պարտադրել է կնոջը ընդհատել հղիությունը՝ սպառնալով սպանել նրա հարազատներից մեկին, տեղեկացնում է «Փաստինֆո»-ն:

Ըստ կայքի տեղեկությունների՝ տղամարդը կնոջը պարտադրել է դադարեցնել մոտ երկու ամսական հղիությունը՝ նրան տալով մի քանի հատ «Սայտոտեկ» տեսակի դեղահաբ եւ պարտադրել որպեսզի նա խմի:

Տեսնելով, որ կինը հրաժարվում է խմել այդ դեղահաբերն ամուսինը նրան սպառնացել է չխմելու դեպքում սպանել հարազատներից մեկին կամ ինքնավնասում կատարել:

Ի վերջո կինն ընդունել է դեղահաբերը:

Դեպքի առթիվ հարուցվել է քրեական գործ, տղամարդը գտնվում է հետախուզման մեջ: