Քաղաքաշինության նախարարությունը կդառնա կոմիտե. այս եւ այլ փոփոխությունների մասին՝ կառավարության նիստում

Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը զեկուցեց կառավարության կառուցվածքային փոփոխությունների մասին:

Ըստ այդմ` էկոնոմիկայի նախարարությունը հանվում է կառուցվածքից և փոփոխվում է անունը, ստեղծվում է ներդրումների և ձեռնարկատիրությանն աջակցման նախարարություն:

Էներգետիկայի և բնական պաշարների նախարարությունը վերանվանվում է էներգետիկ ենթակառուցվածքների և բնական պաշարների նախարարություն:

Տրանսպորտի և կապի նախարարությունն այսուհետ կկոչվի տրանսպորտի, կապի և տեղեկատվական տեխնոլոգիաների նախարարություն:

Քաղաքաշինության նախարարությունը ցանկից դուրս է գալիս, դառնում է Ճարտարապետության և մշակութային արժեքների պահպանության կոմիտե: