Նախարարներն էլ ապրելու իրավունք ունեն. Գալուստ Սահակյան

Այսօր լրագրողների հետ զրույցում ԱԺ նախագահ Գալուստ Սահակյանը նշեց, որ մեծագույն ձեռքբերումը իր համար հենց Հայաստանի անկախությունն է:

Լրագրողները հետաքրքրվեցին Անկախության տոնի առիթով ամենամյա համաներման մասին, սակայն ԱԺ նախագահը նշեց, որ նման քննարկումներ չկան:

Ինչ վերաբերում է երեկ նախագահի կողմից կատարված` կառավարության որոշ անդամների նշանակումներին, Գալուստ Սահակյանը նշեց, որ նրանցից ոմանք իրեն ծանոթ են, գիտի նրանց կենսագրությունը: «Ես կարծում` նրանք չափով փորձառություն ունեն, գտնում եմ, որ առաջիկայում հնարավոր կլինի փոփոխության ենթարկել մեր տնտեսությունը»,- ասաց նա:

Դիտարկմանը, թե երեկ պաշտոնին հրաժեշտ տված որոշ նախարարներ համարվում էին անփոխելի, որ նրանց հնարավոր չէ հանել պաշտոնից, Գալուստ Սահակյանն արձագանքեց. «Իսկ ո՞վ ասաց, որ մարդիկ պետք է կարողանան նախարարների հանել: Նրանք էլ ապրելու իրավունք ունեն»: