Գյումրու քաղաքապետի թեկնածուի` այսօր սպանված որդին 26 տարեկան էր

Ոստիկանությունը Yerkir.am-ի հետ զրույցում հաստատեց տեղեկությունը, որ այսօր Գյումրիում սպանվել է Գյումրու մանկավարժական համալսարանի նախկին ռեկտոր, ԲՀԿչ կողմից քաղաքապետի թեկնածու առաջադրված Վարդեւան Գրիգորյանի՝ Ապարի որդին: Ոստիկանությունից մեզ հայտնեցին, որ դեպքի վերաբերյալ ահազանգ է ստացվել, և իրավապահներն այժմ դեպքի վայրում են:

Yerkir.am-ի տեղեկություններով՝ հրազենային վիրավորում ստացած Արշակ Գրիգորյանը Վարդևան Գրիգորյանի 4 զավակներից կրտսերն էր՝ 26 տարեկան: Նրան Գյումրու Պոլիգոններ թաղամասից հիվանդանոց են տեղափոխել արդեն մահացած: Մեր աղբյուրների խոսքով՝ Արշակը համեստ երիտասարդ էր, երբևէ աչքի չի ընկել քրեական պատմություններով:

Թե ի՞նչն է սպանության պատճառը, առայժմ հայտնի չէ: