Դեղձուտում նկատվել են առաջին խախտումները

Արարատի մարզի Դեզձուտ գյուղում համայնքապետի և ավագանու ընտրություններ են տեղի ունենում: Պայքարը ընթանում է գործող գյուղապետ, հանրապետական Մուրադյան Յուրիի և անկուսակցական Նազարպուր Հովիկի միջև:

Արդեն տեղեկացրել ենք, որ գործող գյուղապետը, խախտելով օրենքը, մի քանի ժամ շարունակ գտնվել է Դեղձուտի գյուղապետարանում, որը տվյալ պահին հանդիսանում է 17/01 ընտրատեղամասը, որտեղ և տեղի են ունենում համայնքապետի ընտրությունները:

Նազարպուրի վստահված անձինք Yerkir.am-ի հետ զրույցում նշեցին, որ իրենք են հայտնաբերել գործող գյուղապետին և դուրս հրավիրել շենքից: Բացի այս միջադեպը ընտրատեղամասում պարբերաբար կուտակումներ են տեղի ունենում: Եվ երբ անկուսակցական թեկնածուի վստահված անձինք զգուշացնում են այս մասին հանձնաժողովի նախագահին, վերջինիս սա դուր չի գալիս և պարտադիր վեճ է ծագում: