Հոյակապ անձնավորություն ա. Յուվեցի Կարոն՝ նոր վարչապետի մասին

Այսօր ԲՀԿ խմբակցության պատգամավոր Կարո Կարապետյանը՝ Յուվեցի Կարոն, նիստերի դահլիճից դուրս եկավ ՀՀԿ խմբակցության ղեկավար Վահրամ Բաղդասարյանի հետ, և երբ լրագրողները հարցեր հղեցին Վահրամ Բաղդասարյանին, նա համբերատարությամբ սպասում էր, թե երբ լրագրողները կավարտեն իրենց հարցերը: Բայց նրա համբերությունը, ի վերջո, հատեց, և նա լրագրողներին դիմեց. «Ա\'յ մարդ, բաց թողեք էդ մարդուն, ՀՀԿ ֆրակցիան անտեր մնաց»:

Yerkir.am-ը փորձեց մի երկու հարց էլ նրան ուղղել նոր վարչապետի մասին: Սկզբում պատգամավորը խուսափեց որևէ հարցի պատասխանելուց, հետո նշեց, որ շատ դրական կարծիք ունի նոր վարչապետի մասին: «Շատ հոյակապ անձնավորություն ա»,- ասաց նա: Իսկ թե ի՞նչ ակնկալիքներ ունի վարչապետից, նախընտրեց չասել: