Գլխավոր դատախազի թեկնածուի հետ հանդիպման ժամանակ ՀՅԴ-ն երեք խնդիր է բարձրացրել

Այսօր գլխավոր դատախազի թեկնածու Արթուր Դավթյանը հանդիպել է ԱԺ խմբակցությունների հետ: ՀՅԴ խմբակցության հետ հանդիպումից հետո ԱԺ ՀՅԴ խմբակցության ղեկավար Արմեն Ռուստամյանը նշեց, որ միշտ էլ երիտասարդ կադրերի վերաբերյալ ակնկալիք կա:

ՀՅԴ-ն բարձրացրել է երեք ուղղությամբ հարցեր` սահուն անցում խորհրդարանական համակարգի, հակակոռուպցիոն պայքարի նոր մեխանիզմներ և ձերբակալությունների օրինականության խնդիր:

«Դատախազությունը պարտավոր է շատ արագ մեզ տրամադրել տեղեկանքներ այս կամ այն անձի ձերբակալության մասին` արդյո՞ք ձերբակալության հիմքերն ամուր են, չկա՞ն, արդյոք, քաղաքական մոտիվներ և այլն»,- ասաց Արմեն Ռուստամյանը: