Գյումրու ըմբշամարտի դպրոցի սաները դեռ մեկ տարի էլ պետք է մարզվեն անմխիթար պայմաններում

Սպորտի և երիտասարդության հարցերի նախարար Գաբրիել Ղազարյանի կարծիքով` հասարակությունը սխալ տեղեկացված է, եթե կարծում է, որ մարզադպրոցները վատ վիճակում են և չեն նորոգվում: Կառավարության նիստից հետո պատասխանելով այն հարցին, թե ինչո՞ւ են մարզադպրոցները, որոնցում մարզվում են Հայաստանի չեմպիոնները, գտնվում անմխիթար վիճակում, սպորտի նախարարն ասաց. «Դուք դրա մասին երևի չգիտեք, բայց 9 մարզադպրոցում արդեն հիմնանորոգման, վերանորոգման և նոր շինարարության աշխատանքներ են կատարվում: Իսկ Արթուր Ալեքսանյանի անվան Գյումրու ըմբշամարտի դպրոցի հիմնանորոգումը ընդգրկված է 2017-ի ծրագրում»:

Նա չկարողացավ ուղիղ պատասխանել այն հարցին, թե ինչո՞ւ մինչ հիմա այդ դպրոցը չի վերանորոգվել: