Վրաստանում Yandex.taxi-ն խնդիրներ ունի

Ալիկ Էրոյանցն իր ֆեյսբուքյան էջում գրում է. «Հայտնի է, որ ռուսական Yandex.taxi-ին մուտք է գործել նաև Վրաստանի տարածք, սակայն կարճ ժամանակ անց այդ ընկերությունը լուրջ խնդիրների առջև է կանգնել:

Խնդիրը կայանում է նրանում, որ Վրաստանում նշված կազմակերպության ծառայությունից օգտվող և ծառայություն մատուցող անհատները նշում են, որ բեռնվող և կիրառվող հավելվածներում Վրաստանի քարտեզը ներկայացված է առանց Աբխազիայի և Հարավային Օսիայի, ինչը օրենքի խախտում է:

Թեև ընկերությունից պարզաբանում են, որ տվյալ խոսակցություններն անհիմն են, այդուհանդերձ արդեն պաշտոնական մակարդակով սկսել են հետաքրքրվել նշված հարցով, և կարող է հասնել նրան, որ ընկերությունը ստիպված լինի գործը չսկսած, հավաքել իրերը և հեռանալ Վրաստանից»: