Բանկ գրաված հայ գործարարը հանձնվել է իրավապահներին

Մոսկվայում «Սիթիբանկը» գրաված հայազգի գործարար Արամ Պետրոսյանը հանձնվել է իրավապահներին: Ինչպես տեղեկացնում է «ՏԱՍՍ»-ը` իրավապահ աղբյուրների տեղեկացմամաբ, Պետրոսյանի վզից կախված տուփում պայթուցիկ չի հայտնաբերվել. այն լցված է եղել սովորական աղով: Ավելի վաղ, սնանկացած գործարարը սպառնացել էր պայթեցնել արկղիկը:

Մինչ այդ հայտնի էր դարձել, որ Պետրոսյանն ազատ է արձակել բոլոր պատանդներին: Ինչպես տեղեկացրել էինք, Արամ Պետրոսյանը գրավել էր «Սիթիբանկի» մոսկովյան մասնաճյուղը: Գործարարը վերջերս էր սնանկացել եւ հատուկ տեսաուղերձով ՌԴ նախագահին կոչ էր անում սնանկացումը ճանաչել հիվանդություն եւ զբաղվել դրա «բուժմամբ»: