Ղարաբաղյան խնդրի կարգավորում` առանց հաղթողների ու պարտվողների. Պուտին

Ռուսաստանը շահագրգիռ է Երեւանի եւ Բաքվի միջեւ լարվածության թուլացման հարցում եւ կշարունակի նպաստել խնդրի հանգուցալուծմանն ու փոխզիջումների ձեռքբերմանը: Մոսկվայում ՀՀ նախագահ Սերժ Սարգսյանի հետ հանդիպման ժամանակ ասել է ՌԴ նախագահ Վլադիմիր Պուտինը, հայտնում է ՌԻԱ Նովոստին:

«Ընդգծում եմ` Ռուսաստանը շահագրգիռ է  երկու հարեւանների միջեւ լարվածության թոթափման հարցում: Մինսկի խմբի շրջանակներում եւ Երեւանի ու Բաքվի հետ անմիջական շփումներում կշարունակենք ամեն կերպ աջակցել  այդ կծիկի հանգուցալուծմանը: Հուսով ենք, որ Հայաստանն ու Ադրբեջանը կկարողանան  հասնել  կոնֆլիկտի փոխզիջումային, առանց հաղթողների եւ պարտվողների  կարգավորման»,- հայտարարել է Պուտինը ՀՀ նախագահի հետ բանակցություններից հետո: