Բունդեսթագի նախագահը խստորեն զգուշացրել է Էրդողանին

Գերմանիայի Բունդեսթագի նախագահ Նորբերտ Լամերտը խստորեն զգուշացրել է Թուրքիայի նախագահ Ռեջեփ Թայիփ Էրդողանին Ցեղասպանության ճանաչման համար թուրք պատգամավորներին սպառնալու կապակցությամբ:

Ըստ Demokratahber-ի՝ Բեռլինում մեծ արձագանք է գտել Ցեղասպանությունը ճանաչած թուրք պատգամավորների հասցեին` Էրդողանի հնչեցրած «փչացած արյուն ունեն» հայտարարությունը:

Deutsche Welle-ի թուրքական ծառայության տեղեկացմամբ՝  Լամբերտն այսպես է արձագանքել. «Ինչ ձևով էլ լինի, եթե որևէ մեկը փորձի ճնշում գործադրել պատգամավորների վրա, թող գիտակցի, որ հարձակված կլինի ամբողջ խորհրդարանի և մեր ժողովրդավարության վրա: Իսկ մենք այս իրավիճակին կպատասխանենք մեր ներկայիս օրենքների հնարավորությունների շրջանակներում»: