Ծառայողական մեքենաների կրճատման գործընթացը պետք է ավարտել 10 օրվա ընթացքում

Այսօր կառավարության նիստում առողջապահության նախարարությունը ներառել էր հարց, ինչպես նախարարության 26 ծառայողական մեքենաները կրճատելու ու վաճառքի հանելու մասին, այնպես էլ մի շարք ՊՈԱԿ-ների կողմից առողջապահության նախարարությանը մեքենաներ նվիրաբերելու մասին:

Վարչապետ Հովիկ Աբրահամյանը արձագանքեց` ասելով, որ սա այն դեպքերից է, երբ ՊՈԱԿ-ների վրա ձևակերպված մեքենաները պետք է օրինականացվեն: Որոշումն ընդունվեց:

Վարչապետը անդրադարձավ նաև ծառայողական մեքենաների կրճատման հարցին` ասելով, որ  բոլոր գերատեսչություններն ու նախարարներությունները պետք է 10 օրվա ընթացքում մեքենաների կրճատման գործընթացն ավարտեն` ներկայացնելով բոլոր այն մեքենաների թվաքանակը, որը պետք է կրճատվի: