Փարիզը հաղթահարել է հեղեղումների ամենավտանգավոր շեմը

Փարիզում Սենա գետի մակարդակը, գերազանցելով 34 տարվա ռեկորդը, այլեւս չի շարունակում բարձրանալ. Ֆրանսիայի մայրաքաղաքը հաղթահարել է հեղեղումների ամենավտանգավոր շեմը:

Հիշեցնենք, որ հեղեղների պատճառով փակվել էին փարիզյան մետրոն, Լուվրի եւ Օրսեի թանգարանները, բազմաթիվ զբոսայգիներ, գերեզմանատներ, Ազգային գրադարանն ու կամուրջները: 

Վիճակը աստիճանաբար կայունանում է, սակայն Փարիզում տագնապի նարնջագույն` ամենաբարձր մակարդակը դեռ պահպանվում է, տեղեկացնում է BBC-ն: 

Հեղեղումների հետեւանքով 4 մարդ մահացել է, 42-ը տարբեր վնասվածքներ են ստացել: 

Ֆրանսիայի մայրաքաղաքի շուրջ 17 հազար շենք հոսանքազրկվել է:

Նախնական հաշվարկներով` բնական աղետի հասցրած վնասները կազմում են 600 մլն եվրո: