Սկանդալ` Թուրքիայում. Էրդողանի կուսակիցը կանանց զուգարանում գաղտնի տեսախցիկ է տեղադրել

Թուրքիայի մշակույթի և զբոսաշրջության նախարարության աշխատակից, իշխող «Արդարություն և զարգացում» կուսակցության անդամ Ռեֆիք Քարաջան ձերբակալվել է նախարարության շենքի կանանց զուգարանում գաղտնի տեսախցիկ տեղադրելու համար։

Ըստ Birgun-ի` զուգարանում տեղադրված տեսախցիկը նկատել է կանանցից մեկը և դիմել ոստիկանություն: Ոստիկանները սկզբում կասկածել են սանիտարական բաժնի աշխատակիցներին, սակայն հետագայում ձերբակալվել է Քարաջան, ով նախկինում էլ նմանատիպ արարքների համար ձերբակալված է եղել:

Ոստիկանությունը Քարաջայի տանից կասկածելի բովանդակությամբ տեսաերիզներ է հայտնաբերել, սակայն նախարարության ղեկավարությունը աշխատակիցներին հորդորել է մոռանալ միջադեպի մասին և «ստվեր չգցել Ռեֆիք Քարաջայի պատվի վրա»: