ԵԱՀԿ ՄԽ-ն ոգևորված է Վիեննայի հանդիպման արդյունքներից. Ուորլիք

ԵԱՀԿ Մինսկի խումբը ոգևորված է Վիեննայում Հայաստանի և Ադրբեջանի նախագահների հանդիպման արդյունքներից. ըստ ադրբեջանական Trend-ի`հայտարարել է ՄԽ ամերիկացի համանախագահ Ջեյմս Ուորլիքը:

«Մենք շատ ոգևորված ենք երեկվա հանդիպման արդյունքներից: Երկու նախագահները պարտավորվել են ապահովել հրադադարի մասին համաձայնագիրը, ակտիվացնել վստահության ամրապնդմանն ուղղված կարևոր միջոցառումները և հաջորդ ամիս սկսել բանակցությունները, որոնք կարող են հանգեցնել համապարփակ կարգավորման»,- ասել է համանախագահը:

Ըստ նրա` նախագահները քաղաքական կամք են ցուցաբերել, որպեսզի դուրս գան ստատուս քվոյի շրջանակներից և միջոցներ ձեռնարկեն, որոնք օգուտ կբերեն տարածաշրջանի մարդկանց: