Կալանավորվել է երգիչներ Մարգարիտա եւ Վլադիմիր Բարխոյանների հայրը

Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանը բավարարել է Ազգային անվտանգության ծառայության քննչական գլխավոր վարչության միջնորդությունը եւ երկամսյա կալանքի որոշում կայացրել ՀՀ քրեական օրենսգրքի 325 հոդվածի 1-ին մասի հատկանիշներով նախատեսված հանցագործության կատարման մեջ մեղադրվող 4 քաղաքացու նկատմամբ:

Ըստ shamshyan.com-ի՝  այդ քաղաքացիներից երկուսը՝  Արտյոմ Օրդուխանյանը եւ Սամվել Բարխոյանը, մեղադրվում են ՀՀ քրեական օրենսգրքի 325 հոդվածի 1-ին մասի (փաստաթղթեր, դրոշմներ, կնիքներ, ձեւաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը), իսկ Դավիթ Մնացականյանը եւ Սարգիս Հակոբյանը ՝ նույն հոդվածի 2-րդ մասի (սույն հոդվածի 1-ին մասով նախատեսված արարքները, որոնք կատարվել են մի խումբ անձանց կողմից նախնական համաձայնությամբ) հատկանիշներով:

Ըստ կայքի տեղեկությունների՝ կալանավորվածներից Սամվել Բարխոյանը երգիչներ Մարգարիտա եւ Վլադիմիր Բարխոյանների հայրն է: