Մանկապատանեկան մարզադպրոցներն ու մարզաձևերի ազգային ֆեդերացիաները կապահովվեն անհրաժեշտ գույքով

Կառավարության վաղվա նիստում սպորտի և երիտասարդության նախարարությունը ներառել է որոշում  մանկապատանեկան մարզադպրոցները, մարզաձևերի ազգային ֆեդերացիաները և այլ մարզական հասարակական կազմակերպությունները գույքով ապահովելու մասին:

Մարզագույքի բաշխման ժամանակ հաշվի են առնվում վերանորոգված ու կառուցված մարզադպրոցներին մարզագույքի տրամադրման նպատակահարմարությունը, մարզադպրոցները  մարզագույքով համալրելու համաչափության և մարզագույքի օգտագործման արդյունավետության անհրաժեշտությունը, մարզադպրոցների սահմանամերձ գոտիներում գտնվելու հանգամանքը,  մարզադպրոցի մարզիկների քանակը, մարզական նվաճումները, մարզադպրոցում մարզագույքի պահպանման  պայմանները։