Լուկաշևիչը Թուրքիային մեղադրել է իր քաղաքացիների նկատմամբ բռնաճնշումներ կիրառելու մեջ

ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը հայտարարել է, որ Թուրքիայի ղեկավարությունը բռնաճնշումներ է իրականացնում սեփական քաղաքացիական հասարակության նկատմամբ. հայտնում է РИА Новости-ն:

«Թուրքիայում իրավիճակի զարգացումը չի կարող քաղաքակիրթ համարվել: Դա գիտակցում է նաև թուրք հասարակությունը, որի կարծիքը փորձում են լռեցնել ուժով»,- ասել է նա ԵԱՀԿ մշտական խորհրդի նիստում:

Լուկաշևիչը մատնանշել է «Հանցագործության մասնակից չենք դառնա» ստորագրահավաքին մասնակցած թուրք մտավորականների շրջանում զանգվածային ձերբակալությունները։ Նրանք դեմ էին երկրի հարավ-արևելքում ռազմական գործողություններին: