ՌԴ իշխանությունները գազի գնի իջեցման հարցում դրական մոտեցում ունեն. վարչապետ

Գազի սակագնի իջեցման հարցն այս պահին քննարկվում է ՀՀ և ՌԴ կառավարությունների մակարդակով. այսօր լրագրողներին հայտնեց ՀՀ վարչապետ Հովիկ Աբրահամյանը: Նա նշեց, որ հանրապետության նախագահը հանդիպել է ՌԴ նախագահի հետ, նրանք քննարկել են գազի սակագնի իջեցման հարցը, և հիմա արդեն հարցը երկրորդ փուլում է` կառավարություններն են քննարկում:

«Հույս ունենք, որ անպայման կվերանայվի գազի սակագինը, որովհետև դրական մոտեցում կա ՌԴ իշխանությունների կողմից. հիմա հարցը քննարկման փուլում է: Մեր նպատակն է փորձել ինչ-որ ձևով նվազեցնել սակագինը, որպեսզի բնակչությունն էլ ավելի նվազ սակագնով սպառի այն»,- ասաց վարչապետը: