Ռոնալդուն լքել է մամուլի ասուլիսը` վիրավորվելով լրագրողի հարցից. ՏԵՍԱՆՅՈւԹ

Չեմպիոնների լիգայի 1/8 եզրափակիչ փուլում Մադրիդի «Ռեալ»-ն այսօր արտագնա խաղում կմրցի «Ռոմա»-ի հետ: Խաղից առաջ տեղի ունեցած մամուլի ասուլիսի ընթացքում հետաքրքիր դեպք է տեղի ունեցել կապված արքայական ակումբի առաջատար Կրիշտիանու Ռոնալդուի հետ:

Երբ լրագողներից մեկը պորտուգալացուն հարցրել է, թե արտագնա խաղերում արդյունավետությամբ աչքի չընկնելու պատճառը որն է, «Ոսկե գնդակի» եռակի դափնեկիրը վրդովված պատասխանել է. «Այս ժամանակահատվածում, ինչ ես խաղում եմ Իսպանիայում, ո՞վ է ինձանից ավելի շատ գոլեր խփել արտագնա խաղերում: Նշեք գոնե մեկի անունը: Չկա՞ պատասխան: Վերջ, շնորհակալություն»,- ասել է պորտուգալացին և լքել ասուլիսի սրահը` մենակ թողնելով թիմի գլխավոր մարզիչ Զինեդին Զիդանին: