Հայաստանը ցանկանում է գնել դաբաղի դեմ Թուրքիայի ստեղծած պատվաստանյութը. Haberturk

Թուրքիան դաբաղի նոր տեսակի դեմ պայքարող պատվաստանյութ է ստեղծել, Հայաստանն էլ այն ունենալու ցանկություն է հայտնել. գրել է Habertuk-ը՝ նշելով, որ դեկտեմբեր ամսին  Թուրքիայում արագորեն տարածված և ավելի քան 100 անասունի վնասած դաբաղի վիրուսի դեմ պատվաստանյութ ստեղծելու համար երկրի գյուղատնտեսության նախարարությունը աշխատանքներ է սկսել մեկ ամիս առաջ:

Ըստ կայքի՝ Կենդանիների առողջության համաշխարհային կազմակերպությունում պատվաստանյութը հավանության է արժանացել, և այն կարող է վաճառվել այլ երկրներում:

Haberturk-ը առանձնապես շեշտել է, որ Հայաստանն ու Վրաստանը Թուրքիայում կիրառվող պատվաստանյութի առաջին պատվիրատուներից են: