Արտաբյուջետային հաշիվ` հանքարդյունաբերության ոլորտի թափանցիկության ապահովման համար

Կառավարության այսօրվա նիստում որոշում կայացվեց արտաբյուջետային հաշիվ բացել կառավարության աշխատակազմի համար: Կառավարության աշխատակազմի ղեկավար-նախարար Դավիթ Հարությունյանն ասաց, որ արտաբյուջետային հաշիվն անհրաժեշտ է ԱՄՆ  միջազգային զարգացման գործակալության կողմից «Հանքարդյունաբերության ոլորտի թափանցիկության բարելավում» ծրագրի շրջանակներում տրամադրվող ֆինանսական միջոցների տնօրինման համար:

Ծրագիրը նախատեսվում է ավարտել մինչև 2017թ. հուլիսի 11-ը` 356 205 ԱՄՆ դոլար ընդհանուր բյուջեով: Ծրագրի նպատակն է օժանդակել ՀՀ Կառավարությանը` հանքարդյունաբերության ոլորտի թափանցիկության և հաշվետվողականության խթանման գործում:

Թափանցիկությունը ենթադրում է, որ պետական պաշտոնյաների որոշումներն ու գործողությունները բաց լինեն հասարակության համար, և հասարակությունը ունի տվյալ տեղեկատվության հասանելիության իրավունք: