Ձմեռ պապերին ու Ձյունանուշներին կստուգեն` արտոնագիր տալուց առաջ

Երևանի քաղաքապետարանի աշխատակազմի մշակույթի և տուրիզմի վարչությունը, ավանդույթի համաձայն, այս տարի ևս հայտարարում է Ձմեռ պապերի և Ձյունանուշների ստուգատես՝ արտոնագրվելու և Նոր տարվա ու Սուրբ ծննդյան տոներին Հանրապետության հրապարակի տոնական միջոցառումներին մասնակցելու համար:  
Այս մասին հայտնում են Երևանի քաղաքապետարանի աշխատակազմի մշակույթի և տուրիզմի վարչությունից։

Դեկտեմբերի 17-ին և 18-ին` ժամը 12:00-16:00-ն, ցանկացողները կարող են դիմել Երևանի քաղաքապետարանի աշխատակազմի մշակույթի և տուրիզմի վարչություն:

Լրացուցիչ տեղեկությունների համար զանգահարել քաղաքապետարանի աշխատակազմի մշակույթի և տուրիզմի վարչություն՝ 514-197 հեռախոսահամարով: