Իրաքը պահանջում է թուրքական զորքի ամբողջական դուրսբերումը

Հյուսիային Իրաքում տեղակայված թուրքական զինուժի մի մասի հեռացումից հետո Իրաքի կառավարությունը պահանջել է թուրքական զորքի ոչ թե մասնակի, այլ ամբողջական դուրսբերումը:

Ինչպես տեղեկացնում է demokratahaber-ը՝ այդ մասին Իրաքը պաշտոնական հայտարարություն է տարածել:

Նախօրեին Թուրքիայի վարչապետ Ահմեդ Դավութօղլուն անրդադարձել էր Իրաքի Մոսուլ քաղաքից մոտ 30 կմ հեռավորության վրա գտնվող Բաշիքա շրջանի Զելիքան ճամբարից թուրքական զորքերի դուրսբերմանը՝ նշելով, որ դա արվել է զուտ անհրաժեշտությունից ելնելով:

Նրա խոսքով՝ Բաղդադի և Անկարայի միջև լարվածությունը խորանում է 3-րդ երկրի պատճառով՝ նկատի ունենալով Իրանին: