Իրեն ամրակցված հրազենից ժամկետային զինծառայող է վիրավորվել. վիճակը ծանր է

ArmLur.am-ի տեղեկություններով՝ երեկ ՊՆ հյուսիսարևելյան ուղղությամբ տեղակայված զորամասերից մեկի մարտական դիրքում ժամկետային զինծառայող է հրազենային վիրավորում ստացել: Նախնական տեղեկությունների համաձայն՝ զինծառայողը վիրավորումը ստացել է իրեն ամրակցված հրազենից: Նրան նախ տեղափոխել են Ճամբարակի բժշկական կենտրոն, ապա՝ կենտրոնական կլինիկական հոսպիտալ:

Հիշյալ տեղեկությունը մեզ չհաջողվեց ճշտել պաշտպանության նախարարությունից: Փոխարենը yerkir.am-ի հետ զրույցում Կենտրոնական կլինիկական հոսպիտալի պետ Արամ Ասատուրյանը հայտնեց, որ իրենց մոտ տեղափոխված զինծառայողը ձախ թոքի վնասվածք է ստացել, վիրահատվել է, վիճակը գնահատվում է ծանր: