Անկարայում ՌԴ դեսպանը կանչվել է ԱԳՆ

Անկարայում Ռուսաստանի դեսպան Անդրեյ Կառլովը կանչվել է Թուրքիայի ԱԳ նախարարություն:

Ըստ Milliyet-ի՝ այդ մասին Թուրքիայի ԱԳՆ-ն հաղորդագրություն է տարածել, համաձայն որի` ՌԴ դեսպանին բողոք է ներկայացվել Ռուսաստանում Թուրքիայի դեսպանատան, ինչպես նաև Ռուսաստանում գործող թուրքական տարբեր ընկերությունների վրա իրականացված հարձակումների առնչությամբ: ՌԴ դեսպանին ասել են, որ նման միջադեպերն անընդունելի են և այդ կապակցությամբ անհանգստություն են հայտնել:

Հաղորդագրության մեջ նշվել է նաև, որ Թուրքիային «վշտացնում են» վերջին օրերին Ռուսաստանում Թուրքիայի ներկայացուցչությունների ու թուրքական ընկերությունների վրա բողոքի ցույցերի անվան տակ ֆիզիկական հարձակումները: