Մեկնարկում է սամբոյի աշխարհի առաջնությունը

Մարոկկոյի Կասաբլանկա քաղաքում է նոյեմբերի 12-16-ն կանցկացվի սամբոյի աշխարհի առաջնությունը, որտեղ Հայաստանը կներկայանա 6 սամբիստով: Հոբելյանական՝ 40-րդ աշխարհի առաջնությունում Հայաստանի հավաքականի կազմում հանդես կգան աշխարհի չեմպիոններ Աշոտ Դանիելյանը, Վաչիկ Վարդանյանը, Մավրիկ Նասիբյանը, Եվրոպայի կրկնակի չեմպիոն Տիգրան Կիրակոսյանը, փոխչեմպիոն Էռնեստ Հայրապետյանը, բրոնզե մեդալակիր Մաքսիմ Մանուկյանը: Այս մասին հաղորդում է ՀԱՕԿ պաշտոնական կայքը:

Պատվիրակությունը ղեկավարում է Հայաստանի սամբոյի ֆեդերացիայի նախագահ Լևոն Հայրապետյան: Հավաքականը Մարոկկո կմեկնի նոյեմբերի 11-ին: Մարզական սամբոյի տղամարդկանց և կանանց, մարտականի\' միայն տղամարդկանց 9-ական քաշային կարգերում ուժերը կչափեն 85 պետություն ներկայացնող ուժեղագույն մարզիկներ: