Լևոն Զուրաբյանն առաջարկում է ԱԺ լսումներ անցկացնել՝ ԱԳՆ մասնակցությամբ

Այսօր մեկնարկել է ԱԺ հերթական քառօրյան: Վարման կարգով խոսեց ԱԺ ՀԱԿ խմբակցության ղեկավար Լևոն Զուրաբյանը` ասելով, որ, որպես ԵԽԽՎ պատվիրակության անդամ, հայտարարում է, որ լուրջ վտանգ է ստեղծվել ԵԽԽՎ-ում, քանի որ մոտ ամիսներին կընդունվի մի զեկույց, որը մեծ հարված կհասցնի Ղարաբաղի ու Հայաստանի շահերին:

«Գիտակցելով այդ վտանգը` առաջարկում եմ ԱԺ նախագահի` կազմակերպել ԱԺ լսումներ՝ արտգործնախարարության մասնակցությամբ, որտեղ կմշակվեն լուրջ քայլեր այս վերահաս վտանգը կանխելու նպատակով: Կարծում եմ` սա օրհասական քայլ է»,- ասաց Լևոն Զուրաբյանը:

Գալուստ Սահակյանը պատասխանեց, որ այդ առաջարկը կարող է անել վաղը՝ ԱԺ հայտարարությունների ժամին: