Մենք քուրդ զինյալների նկատմամբ թշնամանք չենք տածում. Դեմիրթաշ

Թուրքիայում քրդամետ Ժողովուրդների դեմոկրատական կուսակցության ղեկավար Սելահաթթին Դմեիրթաշը Hurriyet-ի հետ զրույցում հայտնել է, որ ոչ ՔԲԿ-ն իրենց է ներկայացնում, ոչ էլ իրենք ՝ ՔԲԿ-ին. տեղեկացնում է Demokrathaber-ը:

«Մեր կուսակցությունը ոչ ՔԲԿ-ի մրցակիցն է, ոչ էլ գործընկերը, սակայն, միաժամանակ, մենք թշնամանք էլ չեն տածում նրանց նկատմամբ»,- ասել է Դեմիրթաշը՝ հիշեցնելով, որ ՔԲԿ-ն իր վերջին հայտարարության մեջ հայտնել էր, որ պատրաստ է զենքը վայր դնել:

«Նրանց այս հայտարարությունը պատասխան չգտավ: Եթե պետությունը դադարեցնի հարձակումներն ու ՔԲԿ-ի հետ բանակցությունների գնա, նրանք պատրաստ են խաղաղության համար կրկին հանդիպել»,- ասել է քրդամետ կուսակցության ղեկավարը: