Աշխարհի գավաթ. Արոնյանը Բաքվում 2-րդ անընդմեջ հաղթանակը տոնեց

Բաքվում ընթացող շախմատի աշխարհի գավաթի խաղարկության 1-ին մրցափուլի պատասխան պարտիայում հայ գրոսմայստեր Լևոն Արոնյանը կրկին առավելության է հասել Լյուքսեմբուրգը ներկայացնող  Միքայել Վիդենկելլերի նկատմամբ:

Այսպիսով, Լևոն Արոնյանը դուրս եկավ հաջորդ փուլ, որտեղ կմրցի Խիսմատուլին (Ռուսաստան) - Արեշչենկո (Ուկրաինա) զույգի հաղթողի հետ։

Հավելենք, որ յուրաքանչյուր մրցափուլի ժամանակ կողմերը խաղալու են 2 պարտիա՝ մեկական սպիտակ և սև գույներով: Հավասար՝ 1 : 1 հաշվի դեպքում կանցկացվեն լրացուցիչ պարտիաներ արդեն արագ և անհրաժեշտության դեպքում նաև կայծակնային խաղի կանոններով՝ մինչև կորոշվի հաղթողը: Պայքարն ընթանալու է նոկաուտ համակարգով՝ պարտվողը դուրս է մնալու հետագա պայքարից: