Իրավիճակը Բաղրամյան պողոտայում լարվում է

Արդեն տեղեկացրել ենք, որ «Ոչ թալանին» նախաձեռնության անդամները և մի շարք այլ ակտիվիստներ այժմ Բաղրամյան պողոտայում են և, քաղաքացիական անհնազանդություն դրսևորելով, բողոքում են էլեկտրաէներգիայի թանկացման դեմ:

Ակտիվիստ Վաղինակ Շուշանյանը հայտարարեց, որ փորձելու է անընդհատ փակել Բաղրամյան պողոտան, հատկապես` նախագահականին հարող տարածքը: Իր այս արարքը նա բացատրում է նրանով, որ պատրաստ է տանջել ոստիկաններին և ցույց տալ դրանով իր անհնազանդությունը:

Նշենք, որ ակտիվիստները պարբերաբար բախվում են ոստիկանների հետ: Նրանք անընդհատ փորձում են փակել Բաղրամյան պողոտան, բայց ոստիկաններին դեռ հաջողվում է բաց պահել այն: