Ջավախքը աղոթքի կանչող զանգի ղողանջ է. Տաճատ Վարդապետյան

ԱԺ ՀՀԿ խմբակցության պատգամավոր Տաճատ Վարդապետյանն ամառային հանգիստն անցկացնելու է հայրենի Ջավախքում: Yerkir.am-ի հետ զրույցում նա նշեց, որ միշտ էլ ամառային հանգիստն անցկացնում է այնտեղ, որտեղ ծնվել-մեծացել է, և որտեղ գտնվում է իր հայրենի տունը: Այնտեղ կմնա 20 օր` ոչ պակաս:

Ըստ պատգամավորի` Ջավախքում կան հանգստի բոլոր պայմանները, աննման կանաչ բնություն, բացի այդ` այնտեղ են պատգամավորի ծնողների շիրիմները, այնտեղ է անցել պատգամավորի մանկությունը:

«Ջավախքը աղոթքի կանչող զանգի ղողանջ է, այնտեղ հանգստանալը, առանց չափազանցության, շատ հաճելի է»,- համոզված է Տաճատ Վարդապետյանը:

Հարցին, թե ինչպե՞ս է նշելու վաղվա Վարդավառը, նա պատասխանեց, որ իր երեխաների հետ այն անցկացնելու է Սևանում: