Փոխոստիկանապետը խոսեց ավտոերթի մասնակիցների մեքենաները տուգանային հրապարակ տանելու մասին

Արդեն հայտնել ենք, որ երեկ էլեկտրաէներգիայի թանկացման դեմ իրականացված ավտոերթի շուրջ 120 մեքենա է տեղափոխվել տուգանային հրապարակ։ Այս խնդիրը ԱԺ պատգամավոր Նիկոլ Փաշինյանը քննարկեց փոխոստիկանապետ Սամվել Հովհաննիսյանի հետ։ Նա տեղեկացրեց, որ քաղաքացիները կարող են գնալ և վերցնել իրենց մեքենաները։ Այս պահին վարորդները գնացել են իրենց մեքենաների հետևից:

Նշենք, որ այս գիշեր համեմատաբար լարված անցավ։ Քաղաքացիները պարբերաբար փակում էին նաև Ֆրանսիայի հրապարակնը, ինչն առաջացրեց ոստիկանապետ Վլադիմիր Գասպարյանի զայրույթը և նա ակցիայի մասնակիցներին սթափվելու կոչ արեց: 

Այս պահին Բաղրամյան պողոտան վերածվել է խաղահրապարակի։ Նախորդ օրերի պես ակցիայի մասնակիցները խաղում են գնդակով: