Բուռն քննարկումներից հետո Բելառուսն անդամակցեց Բոլոնիայի գործընթացին

Բոլոնիայի գագաթաժողովում քննարկվեց Բելառուսի անդամակցությանը Բոլոնիայի գործընթացին:

Հոլանդիայի պատվիրակության ներկայացուցիչը նշեց, որ հստակ չէ, թե Բելառուսն ինչ պարտականություններ է ուզում ստանձնել` Բոլոնիայի գործընթացին անդամագրվելով: «Ուստի` առաջարկում եմ ժամանակավոր հետաձգել Բելառուսի անդամակցությունը` մինչև Բելառուսի պատվիրակության ներկայացուցիչները այն ճանապարհային քարտեզը, որը մենք որդեգրել ենք, հստակ ներկայացնեն մեզ»,- ասաց նա:

Նորվեգիայի, Շվեդիայի, Իսրայելի պատվիրակությունների ներկայացուցիչները նշեցին, որ աջակցում են Բելառուսի անդամակցությանը:

ՀՀ ԿԳ նախարար Արմեն Աշոտյանը նշեց, որ չկա նման փորձ, որպեսզի պայմանական անդամակցություն լինի, ուստի անհրաժեշտ է, Բելառուսի անդամակցությունն ընդունելով, հետևել հետագայում ճանապարհային քարտեզի դրույթների կատարմանը: