Կառավարությունը կօգնի հակառակորդի գնդակից ողնաշարի վնասվածք ստացած զինծառայողին

Այսօր կառավարության նիստում, նախքան օրակարգին անցնելը, վարչապետ Հովիկ Աբրահամյանն անդրադարձավ վերջին օրերին սոցիալական ցանցում և մամուլում բարձրացված մի խնդրի. խոսքը հակառակորդի գնդակից ողնաշարի վնասվածք ստացած զինծառայող Գևորգ Եղիազարյանի մասին է:

Հովիկ Աբրահամյանը նշեց, որ պաշտպանության նախարարությունը մեկ անգամ օգնել է Գևորգին, սակայն առողջական խնդիրը շարունակում է անհանգստացել նախկին զինծառայողին:

«Գիտեմ, որ մեր քաղաքացիները դրամահավաք են սկսել Գևորգի համար: Դրամահավաքին միացած մեր քաղաքացիներին շնորհակալություն եմ հայտնում և նշում, որ ես և մեր կառավարության անդամները հայտնում ենք մեր աջակցությունը` այդ հարցին լուծում տալու համար»,- եզրափակեց վարչապետը: