Թուրքական կայքի զավեշտը՝ Քրքորյանը կաշառել է Հռոմի պապին

Հռոմի պապը ճանաչել է Հայոց ցեղասպանությունը հայկական սփյուռքի՝ Վատիկանի բանկի հաշվին 25 մլրդ դոլար փոխանցելու խոստման դիմաց: Այդ մասին գրում է թուրքական Haber7-ը:

Ըստ կայքի՝ գործարքի կազմակերպիչն է հայ միլիարդատեր Քրք Քրքորյանը: Նա, ըստ կայքի, իր 20 գործընկերների խոստացել է իր ակտիվները պահել Վատիկանի բանկում:

Թուրքական պարբերականը նշում է, որ Քրքորյանը հանդիպել է Հռոմի պապի հետ հունվարի սկզբին:

Պարբերականը գրում է նաև, որ Հռոմի պապը հատուկ է հրաժարվել այցելել Երևան, քանի որ վախենում է գործարքին մասնակցելու մասին կասկածներ առաջացնելուց:

Այսպիսով՝ թուրքական կողմը, գիտակցելով Ցեղասպանության 100-րդ տարելիցի նախաշեմին իր ձախողումները, փորձում է անհույս ապատեղեկատվությամբ փրկել իրավիճակը: