Եվրախորհրդարանը ապրիլի 24-ը հռչակեց Ցեղասպանության հիշատակի օր

Քիչ առաջ Եվրոպայի խորհրդարանը քվեարկության դրեց «Ապրիլի 24-ը ԵՄ-ում Ցեղասպանության հիշատակի օր հռչակելու մասին» բանաձևը:  Բանաձեւը միաձայն  ընդունվեց: Պատգամավորները կոչ արեցին Թուրքիային` ճանաչել Հայոց ցեղասպանությունը:   

Այս փաստաթղթով Եվրախորհրդարանը «Եղբայրության, համերաշխության եւ արդարության՝ եվրոպական արժեքների ոգով միանում է Հայոց ցեղասպանության 100-րդ տարելիցի հիշմանը»:

Ըստ նախագծի` Եվրախորհրդարանը շնորհակալությունն է հայտնում բոլոր նրանց, ովքեր նպաստել են Հայոց ցեղասպանության ճանաչմանը, առաջարկում է Ցեղասպանության հիշատակի համաեվրոպական մեկ օր սահմանել, որով «մեկ անգամ եւս կընդգծվի աշխարհի բոլոր ժողովուրդների եւ բոլոր պետությունների՝ խաղաղ եւ արժանապատիվ ապրելու իրավունքը»:

 Եվրախորհրդարանը Հայոց ցեղասպանությունը ճանաչող որոշում էր ընդունել դեռևս 2005-ին: