Պատմությունը Քիմին մնաց. թուրքական կայքի անհաջող բառախաղը

Թուրքական Vatan թերթը Քիմ Քարդաշյանի՝ Հայաստան այցի մասին քննադատական հոդված է հրապարակել:

Քանի որ թուրքերենում «kim» նշանակում է ով, կայքը «Պատմությունը Քիմին մնաց» վերնագրված հոդվածում փորձել է սրամտել բառախաղով` «Քիմ» բառը գրել է կարմիրով, նկատի ունենալով՝ պատմությունը մնացել է Քիմի, այսինքն՝ ում հույսին: 

Հոդվածում շեշտվել է պատմությունը պատմաբաններին թողնելու միտքը, եւ թերթը գրել է, թե «Հայաստանը 1915 թվականի 100-րդ տարելիցի հույսը կապել է իր «գոտկատեղով հայտնի  ամերիկացի հեռուստաաստղի հետ»:

Նշենք, որ հայկական «Ակօս»-ը նույնպես բառախաղով պատասխանել է Vatan (հայրենիք) թերթին` իր լուրը վերնագրելով՝ «Vatan-ը Քիմին մնաց», նկատի ունենալով՝ Vatan-ի հույսը Քիմի մասին լուրերն են: